蔥蔥的窩（Sifone）

七点几醒左，又系好似昨日甘落雨，真系烦啦！

        想起身坐下，死罗，做乜好似成身散晒甘，一定系昨日在泳池玩得太开心用力过度啦，成身都好酸软。见仲有时间，不如去做个spa先。打电话去lobby问，spa要九点才开，无办法啦。甘就坐在床上面，望住D海浪打下打下，甘猛风，等阵出海浮潜个行程唔知会唔会取消咋。

          坐左半个钟，见D雨无甘大，早早地出去食早餐。出到去屋外面无乜雨，不过就好大风，连把伞都反左骨。但系一去到餐厅就停晒风、停晒雨卟，啾，虾我啊？

        呢度D早餐好丰富啊，而且仲好味过Ihuru酒店。烟三文鱼好味！

       一坐低，服务员就问你coffee or tea ？我地要左coffee，不过唔好饮，无乜味。服务员无同我讲有果汁，不过我在网上睇过知道有，问服务员，他说有三款，我地选左橙汁同苹果汁，都系鲜榨的，所以要快D饮，唔系苹果汁会变色的。来左甘多日，都觉得马尔代夫D水果一D都唔好食，泰国好得多！而且，从来都无见过葡萄子卟，唔知点解无呢样水果架呢？

       除左自助餐台上的食物外，还有几款主菜给你选 。网上D人话蛋汉堡好味，所以就点左两个蛋汉堡，蛋汉堡都有几款选，不过其实就系配菜有小小唔同，味道都系差唔多。呢个汉堡真系几好味，不过就食到我好饱！

      早餐都有香槟，我要左一大杯，结果。。。。。点解系啤酒味架？好难饮啊  。搞到我以后都唔够胆乱试香槟!

          食饱之后，出去吹吹风，D风仲系几猛下，唔知等阵出海有无问题呢？

          番房hea左阵，差不多十点三，见lobby个边无电话到，即是可以出海啦。

          好嘢！

          执齐行装出发啦。

         船家开到海中心就停左船，其中一个落水探过路，确定无问题之后就叫我地落水。拒话叫我地尽量唔好游去浅水的地方，怕我地踩死D珊瑚，不要摸、拾、破坏D珊瑚。

        其它同船的人都砰砰声跳左落水。我地两公婆最迟落水。

        落到水，东哥哥又不熟水性，加上海面好大浪，游得好慢。我想拖他去有珊瑚个边海面，他又唔准我拖，话越拖越惊。我想自己游去有珊瑚个边，又唔放心他一个人在海中心，于是我地两个就甘在个海面度飘下飘下，就飘左差唔多一个钟。

       当我地好开心甘终于飘到見到珊瑚的地方时，睇左兩睇,船长就吹鸡走人啦。唉，今次个旅程同D珊瑚真系无缘   。

       返到酒店,見到碼頭附近好浅水,于是又跳左落去浮潛啦.呢度真系好浮好多,起碼唔使遊甘耐才見到珊瑚,而且無甘風猛.在香港专程买个部一次性防水相机终于可以出场啦!为左影多D鱼，东哥哥在岸上面帮我抛面包喂鱼，唔使两秒，D鱼就周住我周围游。不过D鱼游得好快，可能拍得唔系甘清楚（仲未拿去晒相添）。

       浮左阵，已经无晒力啦。就任由D浪将我周围冲，点知飘左上个大珊瑚上面，因为水太浅，划伤左边膝盖小小，幸好唔怕流血，得小小血丝咋。

       上岸时，麻烦事就发生啦！D水位太浅,上唔到岸啊！  东哥哥话拖我上来，不过我惊唔够力，连他都跌埋落水，后来个中国话接待员见到，拿拿声同东哥哥两个一齐拖我，甘至上到岸

      筋皮力尽，冲完凉快D食饭先。

     午餐个款式同昨日差不多

      主菜點左牛扒同唔記得乜乜卷（好似系鱼）,牛扒無昨晚個塊甘正,熟左小小,個卷都唔錯:

        食完飯,剛好出猛太陽,可以過主島影相羅!

       下面个张是主島的lobby :

      主島餐廳:

        睇下午餐好食无先：

        我同事同我讲主岛D食物无水上屋个边甘好食，不过我都想试一餐，换个环境都好麻 。不过东哥哥见过D食物之后，话都系差唔多，费事又搭船过来食啦，而且。。。又怕D昆虫kiss他

      
       教堂：

     如果在呢间教堂行礼就真系够晒浪漫：

            哈，哈，东哥哥即场示范求婚。    不过点解张相影出来个效果似过求跷多D



      酒吧：

        沙滩：

     我上网睇，见D人一定会影下呢棵树，睇下我影得靓唔靓？：

    下面呢顶甘靓的太阳帽是专程为马尔代夫之旅而买的：

        影下影下，我记起四点book左spa，问东哥哥系咪四点开始，点知。。。。。拒话spa个边四点full左，要改三点，依家已经三点半啦卟？？？？

       于是我地两个跑山猪甘跑去做spa。本来预约时book左120分钟做全面D的spa，但系我地迟左半个钟，只可以做番类似上两日做的90分钟的body massage。无办法啦，鬼叫我地迟到咩。

      
     spa里面唔比影相的，我趁换衫个时偷偷地影左几张

       做完spa真系成身都松晒。又可以有气有力继续游览主岛啦

       主岛的房间的设计同Ihuru个边差不多，不过景观就无甘开扬，被红树林挡住，唔可以一开露台个门就望见海，要行出沙滩才望得见。我地成个岛行晒，见到好小房有人住，呢边的入住率好低啊，反而Ihuru个边仲多D客人：

     呢只水果唔知叫乜野名呢：



 

        五点几， 成个岛都睇晒啦，又可以返房hea一阵

        叹下张网床先。以前睇杂志见到D网床都好羡慕，依家自己终于有得训啦：

              hea左阵，东哥哥就话要落水啦，我就怕冻，无落水，负责帮东哥哥影下相：

           东哥哥开始在泳池度玩野啦：

              跟住连张椅都搬上去影：

                   玩左阵，6：45的cooktail party（鸡尾酒会）开始啦，因为是免费的，所以我地都去趁热闹：

         个杯橙色的东东系无酒精的，想饮有酒精的可以选白、红酒和啤酒。

         在party上遇上今早一齐出海的香港家庭，大家坐在一齐讲下呢次旅程的经历。呢个家庭真系超搞野，因为拒地个package只包早餐，拒地带左好多野来食：三个西瓜、一底可乐、十几支饮料、罐头鱼、罐头午餐肉。。。。。。反正就好似露营甘啦

           闲聊左阵已经日落西山啦，要返屋享用我地package包左的浪漫晚餐，我地order左7：30开始。

          返到房间时，待应已经把房间里面的桌子布置得漂漂亮亮，还为我们端上前菜和餐前面包，主菜就放在银色的盒子里面。

          其实如果天气好的话我们会在二楼的凉亭享用晚餐，但现在没办法啦，外面实在太大风了，而且还下了小小雨。

          送走待应后，东哥哥还没有用餐的打算，系都话要落泳池度影张相，话呢个角度未影过。真系比拒激死，外面大风大雨，有乜好影只。结果，张相影出来，真系麻麻地。

            影完一轮，终于可以食野啦。

               D食物仲可以保持到好高温，不过就无昨晚在餐厅食的set dinner甘好味。

               食完饭，拆开酒店留比我地的信，是关于明天的飞机时间安排：下午15：45搭水上飞机，11：45要check out，有无搞错错啊，做乜D时间甘安排架，由11：45到15：45有成四个钟，去边hea啊，行李又被人收走左，想去玩浮潜都唔得啦。我记得网上D人写可以延迟退房，如果房间紧张的话可以安排主岛个边的房间的，于是马上打电话去lobby个边，点知个边讲如果要延迟退房，要加收一百蚊美金。听到呢个消息之后，当堂成个人谢左，甘听日成日时间咪无晒。唔得，听朝再去lobby个边讲下数先得！

               东哥哥要争取机会浸浴缸，我就无兴趣啦，浸左成日水，皮都皱晒啦。

               冲完凉，早早地休息，因为今天实在太累了。