蔥蔥的窩（Sifone）

  昨晚设左6:45闹钟，打算临走前来一次浮潜，点知。。。。。当闹钟响时听到出面：叭叭叭的雨声、沙沙沙的风声同砰砰砰的海浪声，“唔系吓？浮潜先嚟落雨！”无耐之下唯有在床上摊多阵，然后执野、check out同食早餐。

     食完早餐来到码头，差不多是时候搭船走了。点知，天气好到不得了，“天啊，唔系甘玩我下？”

       从码头旁边见到浅水个度都已经有好多珊瑚，仲有好多唔同品种的鱼。好想浮潜啊，在呢个岛无乜点浮潜过，好可惜啊，希望去到另一间酒店有机会浮个痛快啦。

       今日搭个只快艇比昨日搭个两只靓D

       又番到马里市啦。去另一间酒店要在马里市转乘水上飞机

      粉红色个件就系我哋的行李，有专人拉行李的

       机场外面：

     在呢度check in

     张机票好靓，可以留来做记念

    Check in之后仲要搭巴士到禁区内的起飞点。我地酒店有自己专用的候机室，真系够晒尊贵

          仲有免费汽水无限添饮：

         在候机室大大话话等左成两个钟。影下D飞机先：

      同机有3pair中国人，1pair韩国人，1pair鬼鬼及我地2个，共12人。我同其中2pair中国人闲聊左阵，拒地四个人系同事，一齐来渡蜜月，住4晚Banyan Tree+4晚Angsana Velavaru+每天早晚餐 合共RMB35,XXX  ，D普通话真系好鬼有米！！！

     我对比了旅程中遇到的旅客的价钱：

     1）去Banyan Tree时遇到的普通话：4晚Agnsana Ihuru+早午晚餐 合共RMB15,XXX （呢个价钱可以住Angsana Velavaru了，好唔抵）

    2）在Angsana Velavaru遇到的香港家庭：1晚马里市酒店+3晚Agnsana Velavaru+每天早餐+马航来回 合共HKD13,XXX（他们告诉我,自己花钱食一餐大概要500到800港币一个人。好似唔及我地全包餐甘抵）

    3）在Angsana Velavaru遇到的普通话：1晚马里市酒店+3晚Agnsana Velavaru+每天早晚餐+新航来回  合共RMB13,XXX

   4）我的package:2晚Agnsana Ihuru+2晚Angsana Velavaru+每天早午晚餐+90分钟spa(价值110美金)+1餐在自己房间的浪漫晚餐+新航来回

   5）总括来讲好似在香港报会平DD

         水上屋的房有两排，一排面向主岛，一排面向海。我们在交钱时就已经同专业旅运讲左要面向海那边的房，因为影相时可以影到一望无际的大海，个景会靓D，而且系望日落的方向。我们问了接待的小姐我们的房间是否面向海的，她说不是，我们马上叫她帮我地换房。她打左好耐电话之后，回复番我地，面向海的房已经full左，无得换。听到呢个答复之后，人都谢晒！有无搞错！比钱个时都已经讲左，点会安排唔到架？D旅行社真系信唔过，早知甘，在还没有出发前自己在香港发定封件去酒店request啦，写中文都得架，有识中国话的接待员。激死！！

       上飞机啦。来之前做过资料搜集，坐在飞机的右边倒数第二行，个景系最正的。为左霸靓位，我第一个上机，不过右边倒数第二行放晒行李，唔坐得，我选了右边第一行坐。呢个位超唔得，影相影到个螺栓桨。回程个时最好个位仲系用来放行李，后来我选左右边倒数第三行，呢个位好得多，影相好清楚，想再好D可以伸只手去后一个窗口位度影。

       大家睇清楚D啦，飞机师系赤脚开飞机架！真系第一次见

         机仓：

       马里市：

       沿途见到的岛：

       经过45钟后，到啦，到啦，望见我住的酒店了

         飞机停低在海中间的浮台度，已经有只快艇在接我们啦。上到快艇，靓女接待员递左D五颜六色的棉花糖比我地食，味道普通，我向来都唔系对棉花糖好有兴趣。

         上到岸，有个职员好热情甘击鼓欢迎我地

         靓女接待员把我地带到酒吧坐下，马上有人送上凉浸浸有柠檬味的毛巾，仲有一杯wellcome drink,系草莓味雪芭，酸酸甜甜好醒胃。

           个3 pair普通话有识中国话的接待员接待，我地那个听口音应该系英国人。之后她用高尔夫球车载我们入房间。

            我地住个种房系upgrade左的房间：Premier Inocean Villa

           又话安排唔到面向海的房间？依家又送我地去间向海架卟

           我地住351房，哈，哈，呢间房个位置好正，是望海个排最入的一间，景观开扬，私隐度高，影相个时又可以影晒前面所有房间，perfect!

     接待我地个位小姐好细心甘同我地讲解房里面的设施。

     一入门口的右手边是电视，电视旁边的楼梯通往二楼：

              一入门口的左手边是mini bar,除左两支水同咖啡包、茶包之外，其它都要钱。水饮晒可以不停refill，有汽同无汽各一支.

       Mini bar隔离系沙发椅：

       沙发椅的隔离：

     足两米的大床，训在张床度可以望住个无敌大海景：

       左边那个是冲凉房，右面那个是厕所，洗手盆则在两个房的出面。有两个洗手盆，两公婆唔使争。

         浸浴缸时都系可以望住无敌大海景：

         酒店有齐所有生活用品：牙膏、牙刷、洗头水、沐浴露、洗手液、洗衣皂、棉花、针线包、毛巾。。。。网上D人话支润露有晒后修护功效，所以呢几日冲完凉都即时擦番D。

           室内拖鞋同室外拖鞋各两套：

      浴缸右下角那一包系浮潜工具，在上水上飞机前已经问好我地只脚的size架啦。

      住左三日两夜真系发觉间酒店好细心，生活上的需要都为客人准备好晒，连D detail位都照顾得到。

         由于刚落完雨，室外仲湿湿地，无乜太阳，唔影住，等有太阳时影，D相效果会靓D。

         1:00啦，食lunch先。

         食lunch前先报名参加明天早上10:30的免费节目：外海环礁浮潜。其它活动就唔参加啦，一来东哥哥无兴趣，二来都几贵，三来我地都唔系好够时间参加！

        餐厅在码头旁边：

      里面环境唔错：

        前菜同甜品都可以任拿，主菜就三选一：

        坐低之后，侍应问左我地几多房号，跟住就拿左个饮品同主菜的menu比我地点菜。之后几餐再来食野侍应已经记得我房号，问都唔使问。

       餐牌分中文同英文餐牌，侍应大概睇你个样都知你识唔识中文。除左呢次系比中文比我地之外，其它个几餐都系比英文我地点菜（可能同我地交谈过知我地识英文啦）。我知道午餐同晚餐饮野要钱，所以无order饮品，其实D饮品又唔系真系好贵，一般五星酒店的价钱罗。

        在网上D人讲羊架好食，所以就点左羊架同意粉，事实上都系好好味，两个都好好食

          
         食完饭返房时劲好阳光。

       水底有个用石头砌成的酒店标志。

       左手边第一间就是我的房啦

        我地间房：

       由于搭水上飞机时超重，我地D行李要搭下一班机来。无行李，乜都做唔到，而且出面又甘猛太阳，东哥哥又开始狂影啦。

      
    由凉亭望向房间

     无边际泳池

       凉亭：

       特登为左去马尔代夫买左个沙滩袋。之前睇中那个靓D，不过反正只用一次，买个平平地算啦！

        由于早上天阴，我地都无搽太阳油，影左成个钟，D皮肤开始发热啦，再影落去就变烧猪罗。于是我地走上二楼hea 下，吹下海风

       如果住下面呢间房，就会面向主岛。好在我地系面向海咋

      由二楼望落一楼：

       下面间房面积大过我地个间，有一厅两房，岩一家大细来。不过变左四个share一个泳池，无甘着数罗。

       二楼露台：

       呢两张椅夜晚可以躺在度睇星星，不过住左两晚唔系大风就大雨，睇唔到星星。

       吹住印度洋的海风真系好舒服

       隔离房个两只鬼鬼，我睇住拒地在泳池揽左一个钟，跟住又在床上晒左两个钟。劲！D鬼鬼构造真系唔同D，如果系我，早就变烧猪啦！

     D太阳好猛，好想趁住呢个好天气过主岛个边沙滩影相。但系无太阳油，又无脚架，唔过得。吹左成个钟海风，等到有D唔耐烦，于是决定去接待处度投诉下至得，我明明见到有部机在一个钟前就降落左，点解我件行李仲未到。

     一行落楼，门铃就响啦，真系件行李。个员工好有诚意甘道歉，算啦，费事为难人了。

     拿齐工具想搭16：45的船去主岛，点知出到去D太阳就开始退啦。甘嘅阳光，D相点会靓啊！算罗，唯有将行程推后到明天啦。

     既然有脚架，来番个合照先

         呢D房就系面向主岛个边，客人出入餐厅都会见到D人在泳池做紧乜，私隐度唔多够：

     依家有脚架啦，番房影合照先：

     鸳鸯戏水时间到啦：

    玩完水已经系晚饭时间啦。不过东哥哥话要抓住呢个Magic hour影相

    东哥哥用夜景模式再加2秒捕光，又真系影到D相几靓

    夜晚的餐厅

      晚上逢星期二同星期六系食buffet dinner,其它日子系食set dinner，好在今日系星期一咋。网上的人话set dinner好好食

汤：好鲜的蘑菇味，忌廉唔怕太浓，正！

       醒个雪芭你清清个味蕾才食主菜。呢个雪芭无今日上船后食的那个甘酸

     主菜选左牛肉同虾。D牛肉我要6成熟，不过上碟时有8成熟，但系都好好食。

     D虾好爽好新鲜，不过垫住虾个D饭就认真唔得

      甜品要左自制三色雪糕同朱古力慕士，都系好好味

           虽然系食set dinner,不过唔知点解外面都有两款中式炒面同一款中式炒饭比人任拿，都系好好食。可能怕D大陆人食唔惯西式啦。
          我地两个评呢餐100分，真系好好食。如果在香港想食呢种质素，睇怕每人都要300-500至得啦。

          餐厅个经理走过来同我地吹水，问我地意见，东哥哥盛赞，个经理听到好开心，问我地要唔要来多一客甜品，我地话唔使，拒又好热情甘问我地要唔要咖啡或茶，我地都系say no.开口问拒使唔使钱又好似好市侩，唔问到埋单个时收钱又好肉赤，算啦，我地已经食得好满足架啦。

        番到房已经有人把我地的房间清洁到干干净净。通常都系早上同傍晚清洁一次，D人会在你外出时才入来清的，免得打扰客人。当然，你需要马上清洁时，可以开左门口个清洁灯。

        今晚酒店送的礼物是保湿喷雾同曲奇，虽然唔系D值钱野，不过就好窝心

         知道有大浴缸，在香港带左支精油来浸浴。哈，播住轻音乐来浸，又真系几舒服。不过个海就无乜野睇，黑麻麻！冲完凉十点几早D训，听日仲有大把节目。

         美好的一天结束了！