蔥蔥的窩（Sifone）

又系七点几就醒左，在呢度的生活真系“日出而作，日落而息”  。

               见到地面好湿，应该系刚刚停左雨，D风仲系好大。点算好呢，最后一天啦，都无试过在房间附近玩过浮潜，好可惜啊。

               又系好似昨日早上甘，望住个海发呆。望下望下，真系心有不甘，等阵都唔知可唔可以延迟check out 玩多阵，唔好理啦，一于跳落水先算。

               于是我地两个拿拿声换泳衣落水。

               甘怪得网上D人话房间附近都好多珊瑚啦，一落水游左出去小小就见到D珊瑚仔同鱼仔，如果游到断层个边应该好多珊瑚好多鱼。不过风实在好大，而且经过昨日的活动后，已经无晒力啦，所以我放弃左游出去断层个边的打算，就在房间附近D浅水局度，任由D浪冲下冲下 。

               飘左阵，要上岸啦，我怕去得太远等阵无力游番去自己房间。

               冲过凉后9点几，马上去lobby个边讲数先。

               个中国话接待员正在当值，我同拒讲想延迟退房，因为入住个日由于D行李迟左到，我地成日下午都浪费左，拒听到后，就话比我地延迟到下午2：00，好野，甘样就会多好多时间玩啦。都系自己人好话事。

                心情当堂靓晒，食野先。

                 今日无点个包食啦，我要左个日式海带汤，东哥哥就要左个班戟。

                 今日中午的午餐唔包架啦，所以要食饱D，费事食多餐。

                 食完野，去左码头个度吹海风，将昨晚食剩的面包喂鱼。

                  吹海风真系好鬼舒服，我和东哥哥脱左鞋，成只脚吊在码头的水面上。

                  D鱼真系好醒，明明放面包前海面一条鱼都无，放左面包唔够一秒，就见到D鱼成队兵甘游过来，快成甘！大条个D鱼成群结队甘霸地盘，D五彩缤纷的热带鱼争唔到食，好惨啊。因为太舒服啦，在码头度都坐左成个钟。

                 之后番房再hea左阵，在泳池度浸左阵，系时候执野走人啦。

                 今日天气实在太好啦，忍不住又狂影一番，反正仲有时间。

           呢个野系用来食水烟的东东：

               东哥哥去左check out，玩下自拍先：

                 上水上飞机啦，bye bye 罗 Angsana Velavaru ，我地两公婆对呢间酒店评价100分！好掂，有史以来住过最好的酒店！

                  住酒店呢几日除左去做左个110美金的spa外，一分钱都无使过，真系悭家。

  
            下面个张就系我住个岛的全貌，来的时候方位不对，影唔到，现在终于有机会影到啦：

             主岛与水上屋之间是深水带，而成个岛又被一个浅水带包围着（图片蓝白色的位置）

             由于天气不错，沿途见到的岛好清晰：

              又回到马里啦：

        眼见好多地盘在做基建，我都有份贡献架。哈，哈。。。



          由于到达马里才4点钟，我们的飞机是晚上11点几，有大把时间。酒店安排左个当地导游带我们游马里市，除左搭船过海来往要2美元之外，唔使比任何导游费。不过我地在网上做过功课，之前有D人跟呢D导游去食野，食当地美食成25蚊美金一个人，话好唔抵，所以我地都好有介心，讲到明去边度由我地话事，唔去D水鱼地方，个导游领班答应左，我地才肯出发。

         同行共11人，都是同一部水上飞机的人，其中一对是大陆人，其余都是香港人。

          马里市好落后，同十年前的小榄差不多

            呢度是总统办公的地方：

         去左当地人的蔬果市场：











          鱼市场：

 
              杂货批发场：

               行累左，入去coffee shop 食D野，价钱同小榄个D差不多：

             清真寺：

            马里市好细，同旺角差不多大。D店七点钟度就关得七七八八，无野好行，唯有返机场等上机罗。
            食番餐好味的新航飞机餐，为呢趟行程画上一个完美的句号。