蔥蔥的窩（Sifone）

    以为上一晚甘夜训会好迟才起床，点知晨早七点几睁大只眼已经见到好烈的阳光照入房。心情好兴奋，砰砰声起身拉开露台的门，影入眼帘的是一望无际的大海。见到甘靓的景已经训唔着啦，马上起床食早餐。

      呢间酒店得一间餐厅，无得选择。食左几餐，都觉得D食物一般般，唔算好食，不过都唔难食。早餐7：30至10：30，午餐12：30至14：30，晚餐19：30至22：00

      天气实在太好啦，选左个近海边的位坐，慢慢享受下先

        由餐厅望向码头：

        食完早餐走去接待处问下明天几时check out，不过他们话仲未知航班几时，要黄昏才决定到时间。

        10：30有船过Banyan Tree个岛，趁住有小小时间，周围影下先。

         码头：

      呢度就系房间的正门啦，我住2号房，就在餐厅的隔离，出入好方便。

       房个露台：

     露台出面的吊椅：

     上吊椅摇下先：

       仲有两张太阳椅：

     Yeah下先：　　　　

       在沙滩影下间房先：

       去沙滩玩啦：

       好猛太阳啊，D相影到好靓，当然要牺牲下我D皮肤啦：

    来张合照先：

      哈，哈，靓女出场：

     虽然沙滩写字好娘炳，不过点都要娘一次

       酒店个标志：

      从码头望向酒吧：

     东哥哥在沉思中。。。。。

        上船啦，出发去Banyan Tree：

       在快艇度影下自己住个岛先：

       越去越远。。。。水底一挞挞个D黑色野就系珊瑚啦，在船上都望得好清楚：

     到Banyan  Tree啦，D太阳越来越猛：

       D房门口：

       房内环境，D房大过我住个间Ihuru：

       房外面仲有吊床先。哈，哈，我梦想中的马尔代夫就系呢个样架啦  一直都梦想可以玩吊床！！！上去摇下先！摇下摇下又几鬼舒服，不过上落床要小心D，我坐左上去想整好个姿势，结果成张床反转左，仲跌左个人落地，搞到成身都系沙

      海边有个凉亭：

      来张合照先：

       一望无际的大海：

       雪白的沙滩：

      及下人地D午餐丰富无先？

     12：30，够钟走人啦，miss左班船就要等2个钟才有下一班架啦。

      返到去刚好午餐时间

      食完午餐，休息左一阵就去做package里包的spa。spa最好提前一日订时间，否则好易full.

      D靓女拿左个价钱牌比我地选择要做的项目：

           Banyan Tree集团的spa出晒名正。事实上又真系好舒服。做左十分钟度，叭叭声落雨，落到鬼死甘大，不过唔够十分钟就停左罗。spa里面唔比影相，不过我偷偷地影左一张，做spa 的地方系在一房里面，房中间系凉亭，有两张床，一对couple做刚刚（因为要脱光光才做得spal架）：

        做完spa之后出左沙滩打算睇日落，不过刚落完雨，睇唔到个咸蛋王。

       影下我地在沙滩留下的足迹先：

       行左阵沙滩换晒衫想去玩浮潜。走去运动中心度借潜水工具，个员工仲拿左张潜水图同我地讲要注意的事项，话比我地知边度易潜边度难潜：

     东哥哥落左水一阵就话未够胆玩水住，要返上岸，叫我自己玩。吓！我一个人在海中间，你估唔惊咩！事关下午系涨潮时间早上系退潮，D水深过早上好多，如果在早上浮潜的话睇珊瑚会清楚D。唯有跟住东哥哥上岸，希望明天早D起床浮个痛快啦。

      冲好凉后，东哥哥话黄昏天未黑个段时间叫Magic Hour,影相超靓，于是又狂影啦：

       影左一轮天终于黑晒，再影就黑麻麻啦，于是就去食晚餐。

      今晚系食set dinner,酒店真系好细心，惊住餐厅D光线太暗，特登在memu上面加左盏灯，真搞野

      想影下D晚餐，不过灯光实在太差，影唔到。

       食完晚餐东哥哥想在酒吧睇世界杯，不过我实在太眼训啦，于是东哥哥就早早地陪我返房休息。返到房见到间房已经执到好整齐，床上仲放左封信通知我地明天8：45要走人搭水上飞机换另一间酒店。

      Day3 to Day 6 待续。。。。