第一次搭空中大霸王：A380，要照番张相留念至得：
机仓空间好大好干净，一行有成10个位：
最钟意搭新航，每个人有独立电视，有游戏、电影、电视、音乐。。。。好多野玩，就算坐几多个钟都唔怕闷啦
大霸王不愧系大霸王，起飞同降落完全无振无耳鸣无离心力，而且个窗口大过其它机，从高空望落地面特别清楚！
哈，第一次食飞机餐有餐牌，有齐中英文的：
飞机餐好好食，尤其系个饼干夹乳酪，超正！想影个相，不过东哥哥唔比（怪人！）
超开心啊，甜品系Haagen-Dazs雪糕（不过由新加坡去马里个程就食和路雪），点都要影番张做证据至得！
15：45机，由香港去新加坡要3个半钟，跟住中间有一个钟时间转机，由于在香港起飞迟左半个钟，搞到去到新加坡机场得半个钟时间转机，我地两个要跑死狗才赶到下一班机
由新加坡到马里要4个半钟度，今程搭的机不是A380，不过都系大机，亦好干净（新航D机一般都唔差），但系飞机餐就无头一程甘好味，所以想饱肚最好在头一程食多D。睇左场电影，玩左阵游戏就到目的地啦。马里比香港迟3个钟，到达时已经系当地时间十点几，帮部飞机来张全身照先：
个机场好细，一眼睇晒（点解甘落后个
），counter又小，成机人开得个三四个counter，等左好耐至过完关。
一出禁区就见到我地酒店个接待员，拿住酒店个牌，他接过我地D行李，带我地到酒店的counter等埋其它客人。
在45号位有个中国姑娘，大家留意下啦，呢个counter就系中国内地携程网的接待处。估不到携程网在马尔会夫都做到甘出色
。我同个姑娘聊左几句，拒话个网负责帮D客订马乐代夫的酒店（哪间酒店也可以），客人到左步就会指示他们去边度揾相应的交通工具。当然，无我地在香港D book甘好服务，我地一出闸就全程有人招呼，帮手拿行李，带我地去搭船，在携程网就要自己出去找船搭罗。我见好多中国人大部分都系来呢个counter报到（携程网都几好生意卟）
等齐人可以开船啦，共5pair人，除左我地，其它都是普通话。
一上快艇，船夫就比左条冰凉凉的毛巾比我地抹手，毛巾有好香的柠檬味。仲有一支凉浸浸的水，牌子系Bonaque，贵野来架
乘快艇要20分钟才到达酒店，沿途黑麻麻，乜都睇唔到。快艇先在Banyan Tree个岛放低住Banyan Tree的客人。哈，D普通话真系有米，全部都系住 Banyan Tree（Banyan Tree的价钱贵过我住个间Angsana Ihuru），只快艇落净我地两个人。
落晒客之后快艇就开往Angsana Ihuru，三两分钟就到啦，其实两个岛系好近，肉眼都望得见。快艇开到码头，已经有个接待员在等我地啦。呢个接待员系个日本娃娃，叫Niki（下面是与她的合照），不过D英文带有好强的日本音，有时难D听得明她讲乜。
Niki把我们带到酒吧坐下，跟住就比左杯雪糕我地食，同我地讲解酒店的大概情况和注意事项。由于太黑，雪糕张相影得唔靓。个雪糕用只好靓的椰壳装，有好香的椰子味。
讲解完毕就带我地入房。沿途漆黑一遍，静B B，一个人影也看不见，甘又系，已经系当地时间零晨啦。入到房已经看见我地个行李在房度，个房已经开晒冷气同轻音乐、仲有香薰等我地啦！Niki好细心甘同我地介绍酒店的设施。送走左Niki后，趁个房未被我地整乱，拿拿霖影番几张相先：
间房D feel都几warm
呢间酒店强调回归自然，远离城市烦嚣，所以系无电视同网线提供。要睇电视同上网，要到酒吧才可以。亦因为太大自然feel了，好多昆虫，后来个日东哥哥全部手脚都比D昆虫kiss过
张床折得好靓，仲有封wellcome信同海龟仔送比我地，东哥哥好钟意呢只海龟仔。第二日在酒店的商店见到呢只海龟仔价值$7美金。
露天浴室，第一次冲天体浴咋
下面呢个系按摩浴池，我好想浸，不过东哥哥话好脏，所以住左两晚都无浸过
影完相已经差不多一点啦，拿拿霖冲凉训觉,按香港时间来计，已经系零晨4点啦。
留言列表
歐洲 (2)
{{ article.title }}
